काठमाडौं, पुस ८
लिभिङ विथ आईसीटीले आयोजना गरेको आठौँ संस्करणको ‘अपग्राड आईसीटी अवार्ड २०२३ इन एसोसिएसन विथ इन्ड्राइभ’ शुक्रवार द सोल्टी काठमाडौँमा सम्पन्न भएको छ । एक दर्जन बढी प्रि-ईभेन्ट र ५ महिनादेखिको छनौट प्रक्रिया र एक महिनासम्म टेलिभिजन कार्यक्रम पश्चात् आयोजना भएको ग्राण्ड फिनालेमा १४ विधामा अवार्ड र सातै प्रदेशका उत्कृष्ट स्टार्टअपलाई सम्मान गरिएको छ ।
७०० बढीको अनलाइन आवेदनबाट विभिन्न ५ चरणको छनौट पश्चात् विजेताहरू छनौट गर्दै अवार्ड प्रदान गरिएको हो । उक्त समारोहमा अन्तर्राष्ट्रिय अवार्डको रूपमा आयोजना भएको ‘साउथ एसिया स्टार्टअप आईसीटी अवार्ड २०२३’ को पनि विजेता घोषणासँगै पुरस्कृत गरिएको छ ।
सञ्चार तथा सूचना प्रविधि मन्त्री रेखा शर्माले उद्घाटन गरेको कार्यक्रममा अर्थमन्त्री डा. प्रकाश शरण महतले समापन सम्बोधन गरेका थिए । कार्यक्रममा कर्णाली प्रदेशका मन्त्री कृष्ण बहादुर जिसी, प्रतिनिधि सभा सदस्यहरू, पूर्व मन्त्री र सचिवहरू, सरकारी र निजी क्षेत्रका विशिष्ट व्यक्तिहरुले विजेताहरूलाई अवार्ड प्रदान गरेका थिए ।
यी हुन् आईसीटी अवार्ड २०२३ का विजेताहरू
