काठमाडौं, मंसिर १८
धनकुटाको पाख्रिवासमा अज्ञात समूहले वडाध्यक्षलाई उनकै घरमा थुनेर आगो लगाएको छ । गएराति पाख्रीवास नगरपालिका–६ का वडाध्यक्ष देवेन्द्र गुरागाईँको घरमा आगजनी गरिएको हो ।
गुरागाईँले डाँडाखर्कस्थित आफ्नो घरमा परिवारसहित सुतेका उनीहरुलाई भित्रै थुनेर आगो लगाइएको गुरागाईँले बताए ।
उनका अनुसार तल्लो तलामा रहेको भान्छा कोठाको ढोका खोलेर दुइटा ग्यास सिलिन्डर भेलागरी कपडाहरू एक ठाउँमा थुपारेर आगो सल्काइएको थियो । प्रहरीले आगो लगाउने कार्यमा संलग्न रहेको हुन सक्ने आशंकामा एक जनालाई नियन्त्रणमा लिएको छ ।
घटनाबारे थप अनुसन्धान भइरहेको प्रहरीले जनाएको छ ।
