ललितपुर, मंसिर १७
नेपाली जुत्ता चप्पल उत्पादक समूहद्धारा “नेपाली उत्पादनको प्रबर्द्धन हायो अभियान” भन्ने मुख्य नारा सहित नेपाली ब्राण्डका जुत्ता चप्पलको सामुहिक शोरूम सातदोबाटो नेपाली जुत्ताघरको उद्घाटन गरिएको छ । यस सामूहिक शोरुमको उदघाटन बागमती प्रदेश उद्योग वाणिज्य भूमि तथा प्रशासन मन्त्री माननिय रामकृष्ण चित्रकारले गरेका थिए ।
कार्यक्रममा बाेल्दै मन्त्री रामकृष्ण चित्रकारले जुत्ता उत्पादन मात्र नभएर बागमती प्रदेश औद्योगिक उत्पादन प्रदेशको रुपमा रुपान्तर हुनुपर्ने बताए । विभिन्न विषमा अरु प्रदेश भन्दा अगाडि भएको र औद्योगिक उत्पादनमा चाहिँ बागमती प्रदेश पछाडी परेको र व्यसायहरुलाई व्यवसायक गर्ने राम्रो वातावरण सृजना नभएको जानकारी दिए । उनले भने नीजी र सरकार एकआपसमा मिलेर अगाडी बढ्दा जे लक्ष्य राख्यौ त्यो पुरा हुन्छ ।
यस शोरुममा उत्पादक र उपभोक्तबिच प्रत्यक्ष सम्पर्क हुने हुँदा ग्राहकको रुची र चाहना अनुरुपका उत्पादन बजारमा ल्याउन सहज हुने सभापति कृष्ण फुयालले विश्वास लिएकाे छ ।
स्वदेशी उत्पादनलाई प्रवर्दधन गर्ने उदेश्यले नेपाली जुत्ता उत्पादक समुहद्वारा सामुहिक शोरुम अबधारण अन्तर्गत खोलिएको यस सातदोबाटो नेपाली जुत्ताघर पाचौ शोरुम हो। यस अघि पोखरा, बुटबल, जनकपुर र न्यूरोडमा चारवटा सामुहिक शोरुमको उद्घाटन गरिसकेको छ।
सातदोबाटो नेपाली जुत्ता घरमा वि एफ डियर हिल र वि एफ स्पोट, रोयल शुज, फस्टवाक शुज, क्रस रोड शुज, डि जे शुज, कोसेली छाला जुत्ता, रन शुज र स्मार्ट शुज गरी ८ वटा ब्राण्डका आधुनिक तथा गुणस्तरीय जुत्ता चप्पलहरु आकर्षक छुटमा उपलब्ध रहेका छन ।
