ललितपुर, असाेज ३
ललितपुर महालक्ष्मी नगरपालिकामा प्रथम महालक्ष्मी नगर व्यापार पर्यटन एंव साँस्कृतिक महोत्सवमा आज गायक दुर्गेश थापा, नरेश बुढाथोकी, बाल कलाकारकाे प्रस्तुति रहेकाे छ ।
राष्ट्रिय संगितकर्मी संघ ललितपुरको आयोजनामा सञ्चालन गरेकाे प्रथम महालक्ष्मी नगर, व्यापार, पर्यटन एंब साँस्कृतिक महोत्सव धरैनै राैनक झल्काएकाे छ ।
महाेत्सव भदाै २६ गते देखि भएकाे हाे । राष्ट्रिय संगीतकर्मी संघ ललितपुर अध्यक्ष सुवास महतले असोज ७ गतेसम्म महोत्सव जारी रहने बताए ।
महालक्ष्मी नगरपालिका नगरको वडा नं. २ कमिटी अशोक टोल सुधार समितीको सहयोगमा महोत्सव आयोजना गरेकाे हो । महोत्सवमा व्यापार मेलाका लागि विभिन्न स्टल र साँस्कृतिक कार्यक्रम समेत आयोजना भएका छन् ।
