ललितपुर, २७ साउन
ग्रामीण सामुदायिक संस्था विकास (रिकोड)को आयोजनामा गोदावरी नगरपालिका–७, देवीचौरका दुई ओटै माध्यमिक विद्यालयमा वक्तृत्वकला प्रतियोगिता सम्पन्न गरिएको छ । साउन २५ र २६ गते आयोजित प्रतियोगिताबाट उत्कृष्ट भएका चार/चार जना विद्यार्थीलाई पुरस्कार वितरण गरिएको रिकोडकी समुदाय सहजकर्ता गीता तिमल्सिनाले जानकारी दिइन् ।
देवीचौरको श्री देवी माविमा साउन २६ गते र बुरुञ्चुलीको श्री भिमसेन आदर्श माविमा साउन २५ गते लैङ्गिक समानता विषयमा वक्तृत्वकला प्रतियोगिता गरिएको हो । देवी माविमा सम्पन्न प्रतियोगितामा साइमन चौहान पहिलो, अनिश बजगाँई दोस्रो, सोनिया लामा तेस्रो र आयुषा सापकोटा सान्त्वना भएका विद्यालयका शिक्षक सावित्री न्यौपानेले जानकारी दिइन् ।
पुरस्कृत विद्यार्थीलाई विद्यालयका प्रधानाध्यापक हरिबहादुर चौहान र रिकोडकी समुदाय सहजकर्ता गीता तिमल्सिनाले झोला तथा शैक्षिक सामग्री पुरस्कारस्वरूप वितरण गरेका छन् ।
भिमसेन आदर्श माविमा सम्पन्न प्रतियोगितामा स्मारिका तामाङ पहिलो, निरोज तामाङ दोस्रो, आकृति तामाङ तेस्रो र एलिना तामाङले सान्त्वना पुरस्कार पाएका विद्यालयका शिक्षिका भगवती शर्माले बताइन् ।
उत्कृष्ट प्रतियोगीलाई विद्यालयका प्रधानाध्यापक आत्मराम घिमिरे र रिकोडकी समुदाय सहजकर्ता गीता तिमल्सिनाले झोला तथा शैक्षिक सामग्री पुरस्कारस्वरूप वितरण गरेका छन् ।
