काठमाडौं, साउन १
चालु आर्थिक वर्ष २०८०/८१ को पहिलो दिन सेयर बजारमा हरियाली छाएको छ । म्युचुअल फन्डबाहेक सबै उपसूचकहरू हरियो देखिएको नेप्से सोमबार ४७.०७ अंकले बढेको बजार २१४४.१६ विन्दुमा पुगेको छ ।
सोमबार २५७ धितोपत्रको ५० हजार २९९ वटा कारोबारबाट ७६ लाख ३४ हजार १९० कित्ता सेयर किनबेच हुँदा २ अर्ब ५६ करोड १ लाख ९१ हजार २८८ रुपैयाँ बराबरको कारोबार भएको छ । सोमबार बीपीडब्यू लघुवित्त वित्तीय संस्था, युनाइटेड अजोड इन्स्योरेन्स र अभियान लघुवित्तको कारोबार आज सकारात्मक सर्किट लेबलमा भएको छ ।
यसैगरी, कुमारी धनवृद्धि योजना, सानिमा ग्रोथ, सानिमा लार्ज क्याप फन्डसहितका धितोपत्रको मूल्य धेरैले घटेको छ । आज उपसमूहतर्फ रहने १३ वटा समूहमा एक समूहबाहेक १२ वटै समूहको सेयरमूल्य बढेको छ ।
