काठमाडौं, फागुन २६

प्रहरीले काठमाडौंबाट नक्कली म्यानपावर खोली रकम ठगी गर्ने व्यक्ति पक्राउ गरेको छ । पक्राउ पर्नेमा मकवानपुरको मनहरी गाँउपालिका-२ स्थायी घर भई हाल काठमाडौं महानगरपालिका-१४ गाईबाछाटोल बस्‍ने २८ वर्षीय आदेश तामाङ रहेका छन् ।

उनलाई काठमाडौं उपत्यका अपराध अनुसन्धान कार्यालयको टोलीले काठमाडौंको भीनभवन बानेश्वरबाट पक्राउ गरेको हो ।

उनले १०० जना भन्दा बढी व्यक्तिहरुलाई वैदेशिक रोजगारको लागी मलेसियामा रहेको टेलिप्लेक्स मेडिकल SDN,BSD को कम्पनिमा आकर्षक तलबमा पठाई दिन्छौ भनि रकम लिई ठगी गरेको प्रहरीले जानकारी दिए ।

पक्राउ परेका उनीमाथि ठगीसम्बन्धी कसूरमा आवश्यक कारबाहीको लागि जिल्ला प्रहरी परिसर टेकु, काठमाडौं पठाइएको प्रहरीले जनाएको छ ।