ललितपुर, फागुन १८

ललितपुर। ललितपुरको चापागाँउमा आठौं शताव्दीको ऐतिहासिक पुरातात्विक बुद्धको मूर्ति चोरी भएको छ । महानगरिय प्रहरी बृत्त चापागाँउको करिव ३ सय मिटर दुरीमा रहेको चैत्यमा राखिएको बृद्धको मूर्ति चोरी भएको हो ।

चापागाँउ पुरानो वसपार्कसँगैको मूर्ति स्तुपा भत्काएर चोरी भएको स्थानीय जानकारी दिए । बुधबार रातको समयमा स्तुपामा रहेको बुद्धको मूर्ति चोरी भएको महानगरिय प्रहरी बृत्त चापागाँउका डिएसपि कृष्णकुमार चन्दले जानकारी दिए । उनले चोरी सम्बन्धी अनुसन्धान भइरहेको बताए ।

चैत्य ईस्वी संवत् ८२७ मा स्थापना गरिएको शिलालेखमा उल्लेख छ ।