काठमाडौं,फागुन १२
ललितपुरका ललितपुर महानगरपालिका मेयर चिसिबाबु महर्जनले काठमाडौं महानगरपालिकाका मेयर बालेन्द्र शाह (बालेन) शाहलाई उपत्यकाको मेट्रो रेलको बनाउन नेतृत्व लिन आग्रह गरेका छन् । उपत्यकाको सार्वजनिक यातायातमा मेट्रो निर्विकल्प भएकाले काठमाडौं महानगरलाई यसको नेतृत्व लिन अनुरोध गर्दै मेयर महर्जनले शुक्रबार मेयर शाहलाई पत्र बुझाएका छन ।
महर्जनले संघीय सरकारसंग सहकार्य गर्दै काठमाडौं महानगर सहयात्री बन्ने प्रतिबद्धता व्यक्त गरे ।

पत्र बुझाउदै महर्जनले भने, उपतयकालाई दुई महानगर बीच समन्वय र सहकार्य भए ठूलो योजना सम्पन्न गर्न सकिन्छ ।
जसका लागि ललितपुर काठमाडौंको सहयात्री बन्छ । काठमाडौं महानगरले यसको नेतृत्व गर्नुपर्छ । महर्जनले उपत्यकामा अन्य नगरपालिकासँगको हातेमालो पनि अपरिहार्य भएको बताए । धेरै खर्च लाग्छ, धेरै समय लाग्छ भनेर मेट्रो रेल नल्याई सुखै छैन महर्जनले भने ।

उनले मेट्रो रेलको निर्माणमा ढिलाई गर्न नहुने भन्दै बेलैमा निर्णय नगरे उपत्यका बस्न अयोग्य हुने बताए । अब पनि काठमाडौं उपत्यकामा मेट्रो रेल नबनाउने हो भने सन्ततिले हामीलाई धिक्कार्छन् । त्यस्तै काठमाडौं महानगरपालिकाका मेयर बालेनले मेट्रो रेल उपत्यकाको लागि अत्यावस्यक भएको महशुस आफूले पनि गरेको बताए ।

काठमाडौं महानगरले पनि मेट्रो रेलको बारेमा अनौपचारिक सोधखोज गरिरहेको शाहको भनाई थियो । दीर्घकालीन रुपमा हेरेर योजना बनाउनु पर्ने भन्दै शाहले महर्जनलाई भने, योजना बनाउदा कम्तीमा ५० वर्षको योजना बनाउनु पर्छ, राम्रो त एक सय वर्ष सोचेर बनाउनु राम्रो हो दुई चार वर्षे योजनाले दीर्घकालीन प्रभाव पार्दैन र नागरिकलाई खुशी सुख दिन सक्दैन ।
ललितपुर महानगरमका सल्लाहकार इञ्जिनियर वदन न्याछ्यौले उपत्यकाको ट्राफिक व्यवस्थापन समयमा नभए अबको ५ वर्षपछि ट्राफिक जामले निम्त्याउने समस्या विकराल हुने बताए । उनले (गतिहिन) हुन सक्ने अवस्था रहेको दुई मेयरको भेटमा सुनाए ।

उपत्यकाको ट्राफिक व्यवस्थापन र ट्राफिक समस्याको दीर्घकालीन समाधानका लागि नेपाली विज्ञहरुको एक अन्तराष्ट्रिय समूह बृहत काठमाडौं उपत्यका मेट्रो रेल प्रबद्र्धन समूह केही समय देखि कार्यरत छ । उक्त समूहको संस्थापकमा विनोद अमात्य, इं वदन न्याछ्यौं, डा. पुरु श्रेष्ठ, डा. श्रीगोविन्द शाह, ई. अनन्त वैद्य, ई. सुरेन्द्र जोशी लगायत रहेका छन् । यो समूहले काठमाडौं उपत्यका क्षेत्रमा मेट्रो रेल प्रणालीको आधारमा दिर्घकालीन विकास तथा एकीकृत यातायात व्यवस्थापनको विकासको रणनीतिक अवधारणा पत्र सहित तयार गरको छ । मेयर चिरिबाबु महर्जन उक्त अवधारणा पत्र सहित बालेन भेट्न पुगेका थिए ।