काठमाडौं, २७ कार्तिक
आज सुनको मूल्य बढेको छ । शुक्रबार तोलामा ९६ हजार ७०० मा कारोवार भएको छापावाल सुन आज प्रतितोला ६०० ले बढेर ९७ हजार ३०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ६०० ले बढेर ९६ हजार ८०० मा कारोवार भएको छ । यस अघि शुक्रबार तेजावी सुन रु ९६ हजार २०० मा कारोवार भएको थियो ।
आज चाँदीको मूल्य अघिल्लो कारोबार मूल्यका तुलनामा प्रतितोला रु पाँच ले बढेर रु एक हजार ३०० तोकिएको महासङ्घले जनाएको छ ।
