ललितपुर ३ असोज
संविधान दिबसको सरकारले विभिन्न व्यक्तित्वहरुलाई पुरस्कार वितरण गरेको छ । संविधान सभा सदस्य एवं युवा नेता नेपाली कांग्रेसका नेता रामकृष्ण चित्रकार पनि समाजसेवी रत्न बाट बिभुषित भएका छन् । चित्रकार आगामी प्रतिनिधि सभा निर्वाचनमा नेपाली कांग्रेसका ललितपुर क्षेत्र नं २ को दावेदार हुन् ।
ललितपुर निवासी रामकृष्ण चित्रकार २०६४ मा संविधान सभामा समानुपातिक तर्फ नेपाली कांग्रेसका सभासद बनेका थिए। चित्रकारले बी.एल्. र राजनीतिशास्त्रमा स्नातकोत्तर सम्मको अध्ययन गरेका छन् । २०४२ सालको सत्याग्रहबाट राजनीतिक यात्रा शुरु गरेका चित्रकार यस अघि नेपाल विद्यार्थी संघको २०५९-२०६३ सम्म नेपाल विद्यार्थी संघको केन्द्रिय उपाध्यक्ष रहिसकेका छन् ।
हाल नेपाली काङ्ग्रेस ललितपुर जिल्ला कार्यसमिति सदस्य तथा महासमिति सदस्य छन् । लोकतन्त्र स्थापनाको आन्दोलनमा सक्रिय रहेका चित्रकार आफ्नो राजनैतिक यात्रामा पटक पटक पक्राउ समेत भएका छन् । कानुन व्यवसायी र उद्यमीका रूपमा पनि चिनीएका चित्रकार समाजसेवामा पनि संलग्न छन् । चुनावको टिकट पाएमा विभिन्न क्षेत्रमा युवाको लागि रोजगारी र बेरोजगार भत्ता, समाजवादी अर्थनीति तथा लोकतान्त्रिक गणतन्त्रलाई संस्थागत गर्ने मुद्दा प्रमुखतासाथ उठाउने उनी बताउँछन् ।
