काठमाडौँ ३० भदौ
नेपाल राष्ट्र बैङ्कले देशको वर्तमान आर्थिक तथा वित्तीय स्थिति सार्वजनिक गरेको छ । जसअनुसार वार्षिक बिन्दुगत आधारमा उपभोक्ता मूल्य सूचकाङ्कमा आधारित मुद्रास्फीति ८.२६ प्रतिशत रहेको छ ।
साउन महिनामा आयात १२.९ प्रतिशतले घटेको छ भने निर्यात २८.७ प्रतिशतले घटेको छ छ । साउन महिनामा कुल वस्तु व्यापार घाटा १०.४ प्रतिशतले घटेको राष्ट्र बैङ्कको तथ्याङ्कमा उल्लेख छ ।
विप्रेषण आप्रवाह नेपाली रुपैयाँमा २०.३ प्रतिशतले बढेको र अमेरिकी डलरमा १२.५ प्रतिशतले बढेको छ । शोधनान्तर स्थिति भने २२ अर्ब ६३ करोड रुपैयाँले घाटामा रहेको छ ।
कुल विदेशी विनिमय सञ्चिति ९ अर्ब ४२ करोड अमेरिकी डलर रहेको छ । संघीय सरकारको खर्च २२ अर्ब २६ करोड रुपैयाँ र राजस्व परिचालन रु.७९ अर्ब ७२ करोड रुपैयाँ रहेको छ ।
विस्तृत मुद्राप्रदाय १.९ प्रतिशतले घटेको छ । वार्षिक बिन्दुगत आधारमा यस्तो मुद्राप्रदाय ६।४ प्रतिशतले बढेको छ ।
बैंक तथा वित्तीय संस्थाको निक्षेप सङ्कलन २.० प्रतिशतले घटेको छ र निजी क्षेत्रमा प्रवाहित कर्जा ०।०५ प्रतिशतले घटेको छ ।
वार्षिक बिन्दुगत आधारमा निक्षेपको वृद्धिदर ८.६ प्रतिशत र निजी क्षेत्रमा प्रवाहित कर्जाको वृद्धिदर ११।८ प्रतिशत रहेकोछ ।
