काठमाडौं, १९ साउन
आज सुनको मूल्य बढेको छ । बुधबार तोलामा ९५ हजार ३०० मा कारोवार भएको छापावाल सुन आज प्रतितोला ८०० ले बढेर ९६ हजार १०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ८०० ले बढेर ९५ हजार ६०० मा कारोवार भएको छ । यस अघि बुधबार तेजावी सुन रु ९४ हजार ८०० मा कारोवार भएको थियो ।
आज चाँदीको मूल्य स्थिर रहेको छ ।महासङ्घले आजको लागि पनि चाँदीको मूल्य प्रतितोला रु एक हजार २१० तोकेको छ ।
