काठमाडौं ,२२ जेठ
आज सुनको मूल्य घटेको छ । शुक्रबार तोलामा ९८ हजार ५०० मा कारोवार भएको छापावाल सुन आज प्रतितोला ६०० ले घटेर ९७ हजार ९०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ६०० ले घटेर ९७ हजार ४०० मा कारोवार भएको छ । यस अघि शुक्रबार तेजावी सुन रु ९८ हजारमा कारोवार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १५ ले घटेर रु एक हजार २७५ तोकिएको महासङ्घले जनाएको छ ।यस अघि शुक्रबार चाँदी रु एक हजार २९० मा कारोवार भएको थियो ।
