काठमाडौं ,२० जेठ
आज पनि सुनको मूल्य बढेको छ । बिहीबार तोलामा ९७ हजार ६०० मा कारोवार भएको छापावाल सुन आज प्रतितोला ९०० ले बढेर ९८ हजार ५०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ९०० ले बढेर ९८ हजारमा कारोवार भएको छ । यस अघि बिहीबार तेजावी सुन रु ९७ हजार १०० मा कारोवार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु २५ ले बढेर रु एक हजार २९० तोकिएको महासङ्घले जनाएको छ ।यस अघि बिहीबार चाँदी रु एक हजार २६५ मा कारोवार भएको थियो ।
