काठमाडौं ,१९ जेठ
अर्जेन्टिनाले फाइनलिसीमा -२०२२ को उपाधि जितेको छ ।इंग्ल्यान्डको वेम्बली स्टेडियममा भएको फाइनल खेलमा युरोकप च्याम्पियन इटालीलाई कोपा अमेरिका च्याम्पियन अर्जेन्टिनाले ३-० ले पराजित गर्दै अर्जेन्टिनाले उपाधि उचालेको हो ।
अर्जेन्टिनालाई जित दिलाउन लाउटारो मार्टिनेज,एन्जिल डि मारिया र पाउलो डिबालाले एक एक गोल गरे ।
खेलको २८ औँ मिनेटमा लाउटारो मार्टिनेजले गोल गर्दे टोलीलाई अग्रता दिलाएका थिए।
पहिलो हाफको इन्जुरी समयको पहिलो मिनेटमा डि मारियाले गोल गर्दे टोलीलाई २-० ले अघि बढाए।
त्यसपछि दोस्रो हाफको इन्जुरी समयको चौथो मिनेटमा पाउलो डिबालाले गोल गर्दै टोलीलाई ३-० को जित दिलाए ।
जितसँगै अर्जेन्टिना तेस्रो संस्करणको फाइनलिसीमा च्याम्पियन बनेको छ ।
