काठमाडौँ १८ जेठ
बतास समूहले अव पशुपति धर्मशालामा होटल सञ्चालन गर्न नपाउने भएको छ । काठमाडौँ जिल्ला अदालतले बतास समूहले अव पशुपति धर्मशालामा होटल सञ्चालन गर्न दिने गरी यसअघि भएको अन्तरकालीन आदेश बदर गरेको छ ।
बुधबार न्यायाधीश विनोदकुमार पोखरेलको इजलासले काठमाडौँ जिल्ला अदालतले गत चैत २५ गते बतास समूहको पक्षमा दिएको अन्तरकालीन आदेश बदर गरेको हो । यस अदेशपछि वतास समुहलाई शुपति धर्मशालामा होटल सञ्चालन गर्ने बाटो बन्द भएको छ ।
पशुपति क्षेत्र विकास कोषले करार भंग भएको भन्दै होटल सञ्चालन गर्न नदिएपछि बतास समूहले अदालतमा मुद्दा दिएको थियो । सो मुद्दामा जिल्ला अदालत काठमाडौँले बतास समूहलाई होटल सञ्चालन गर्न अवरोध नगर्न अन्तरकालीन आदेश दिएको थियो ।
