काठमाडौं,१२ जेठ

आज सुनको मूल्य घटेको छ । बुधबार तोलामा ९८ हजार २०० मा कारोवार भएको छापावाल सुन आज प्रतितोला ४०० ले घटेर ९७ हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ४०० ले घटेर ९७ हजार ३०० मा कारोवार भएको छ । यस अघि बुधबार तेजावी सुन रु ९७ हजार ७०० मा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु ५ ले घटेर रु एक हजार २७० तोकिएको महासङ्घले जनाएको छ ।यस अघि बुधबार चाँदी रु एक हजार २७५ मा कारोवार भएको थियो ।