काठमाडौं, बैशाख २३
इटालियन सिरी ए फुटबलमा भेनेजियामाथि सालर्निटानाले जित निकालेको छ । बिहीबार राति भएको खेलमा सालर्निटानाले १० खेलाडीमा समेटिएको भेनेजियालाई २-१ गोलले पराजित गरेको हो ।
घरेलु मैदानमामा सालर्निटानालाई जित दिलाउन फेडेरिको बोनाजोली र सिमोन वर्दीले एक-एक गोल गरे।भेनेजियाका थोमस हेनरीले एक गोल गरे।
खेलको सातौं मिनेटमा फेडेरिको बोनाजोलीले गोल गर्दै सालर्निटानालाई अग्रता दिलाएका थिए।
दोस्रो हाफको ५८ औं मिनेटमा भेनेजियाका थोमस हेनरीले गोल गर्दै खेल १-१ को बराबरीमा फर्काए ।
तर, खेलको ६७ औं मिनेटमा सालर्निटानाका सिमोन वर्दीले गोल गर्दै टोलीलाई २-१ ले अघि बढाए ।
खेलको ८९ औँ मिनेटमा भेनेजिया १० खेलाडीमा समेटिएको थियो ।भेनेजियाका इथान अम्पाडुले रातो कार्ड पाउँदै मैदान छाड्न परेको थियो।
त्यसपछि बाकी समयमा कुनै गोल हुन सकेन र सालर्निटानाले जित निकालेको हो ।
जितसंगै सालर्निटानाले ३५ खेलबाट २९ अंक जोडेको छ र १७ स्थानमा औँ स्थानमा छ ।पराजित भेनेजियाको ३५ खेलबाट २२ अंक छ र पुछारमा छ ।
