काठमाडौं,बैशाख १६
शुक्रबार थप १४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा दुई हजार ७७१ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या नौ लाख ७८ हजार ८०६ पुगेको छ ।
हालसम्म ५६ लाख ३५ हजार २३७ जनाको पीसीआर परीक्षण गरिएको छ।हाल सक्रिय सङ्क्रमितको सङ्ख्या २४३ रहेको छ ।
थप १९ जना डिस्चार्ज
नेपालमा पछिल्लो २४ घण्टामा १९ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या नौ लाख ६६ हजार ६१२ पुगेको छ ।पछिल्लो २४ घण्टामा कोरोनाबाट कोहीको पनि मृत्यु भएको छैन । विगत २४ घण्टामा दुई लाख नौ हजार ५६ जनाले कोरोनाविरुद्धको खोप लगाएका छन् ।
