काठमाडौं, बैशाख १५
च्याम्पियन्स लिग फुटबलको सेमिफाइनलको पहिलो लेगमा लिभरपुलले सहज जित निकालेको छ । बुधबार राति घरेलु मैदानमा भएको खेलमा लिभरपुलले भिल्ला रियललाई २-० गोलले पराजित गरेको हो ।
एनफिल्डमा लिभरपुललाई जित दिलाउन साडियो मानेले एक गोल गरे । लिभरपुलले एक गोल आत्मघाती उपहार पाएको हो ।
दोस्रो हाफको ५३ औ मिनेटमा भिल्ला रियलका पेर्भिस एस्टुपिनले आत्मघाती गोल गरेपछि लिभरपुलले अग्रता लीएको थियो ।
त्यसपछि खेलको ५५ औं मिनेटमा साडियो मानेले गोल गर्दै लिभरपुललाई २-० को जित दिलाए ।
अब दोस्रो लेग मे ४ मा भिल्ला रियलको घरेलु मैदानमा हुनेछ ।
