काठमाडौं,१४ वैशाख
आज पनि सुनको मूल्य घटेको छ । मंगलबार तोलामा ९९ हजार ३०० मा कारोवार भएको छापावाल सुन आज प्रतितोला ३०० ले घटेर ९९ हजारमा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ३०० ले घटेर ९८ हजार ५०० मा कारोवार भएको छ । यस अघि मंगलबार तेजावी सुन रु ९८ हजार ८०० मा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले घटेर रु एक हजार ३४० तोकिएको महासङ्घले जनाएको छ ।यस अघि मंगलबार चाँदी रु एक हजार ३५० मा कारोवार भएको थियो ।