काठमाडौं,बैशाख १३
मंगलबार थप १० जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा पाँच हजार २२६ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या नौ लाख ७८ हजार ७७० पुगेको छ ।
त्यस्तै पछिल्लो २४ घण्टामा पीसीआर विधिबाट पाँच हजार २२६ जनाको परीक्षण भएको छ । हालसम्म ५६ लाख २४ हजार ४५८ जनाको पीसीआर परीक्षण गरिएको छ।हाल सक्रिय सङ्क्रमितको सङ्ख्या २६१ रहेको छ ।
थप १८ जना डिस्चार्ज
नेपालमा पछिल्लो २४ घण्टामा १८ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या नौ लाख ६६ हजार ५५८ पुगेको छ ।पछिल्लो २४ घण्टामा कोरोनाबाट कोहीको पनि मृत्यु भएको छैन । विगत २४ घण्टामा ८६ हजार १३६ जनाले कोरोनाविरुद्धको खोप लगाएका छन् ।
