आधारभूमि संवाददाता
काठमाडौँ, २ वैशाख
आज पनि सुनको मूल्य बढेको छ । बुधबार तोलामा एक लाख एक हजार ५०० मा कारोवार भएको छापावाल सुन आज प्रतितोला ५०० ले बढेर एक लाख दुई हजारमा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ५०० ले बढेर एक लाख एक हजार ५०० मा कारोवार भएको छ । यस अघि बुधबार तेजावी सुन रु एक लाख एक हजारमा कारोवार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १५ ले बढेर रु एक हजार ४१५ तोकिएको महासङ्घले जनाएको छ ।यस अघि बुधबार चाँदी रु एक हजार ४०० मा कारोवार भएको थियो ।
