आधारभूमि संवाददाता
काठमाडौँ, ३० चैत
आज पनि सुनको मूल्य बढेको छ । मंगलबार तोलामा एक लाख ९०० मा कारोवार भएको छापावाल सुन आज प्रतितोला ६०० ले बढेर एक लाख १५०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ६०० ले बढेर एक लाख एक हजारमा कारोवार भएको छ । यस अघि मंगलबार तेजावी सुन रु एक लाख ४०० मा कारोवार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु २० ले बढेर रु एक हजार ४०० तोकिएको महासङ्घले जनाएको छ ।यस अघि मंगलबार चाँदी रु एक हजार ३८० मा कारोवार भएको थियो ।
