काठमाडौ, २८ चैत
आज सुनको मूल्य घटेको छ । आइतबार तोलामा एक लाख ३०० मा कारोवार भएको छापावाल सुन आज प्रतितोला २०० ले घटेर एक लाख १०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला २०० ले घटेर ९९ हजार ६०० मा कारोवार भएको छ । यस अघि आइतबार तेजावी सुन रु ९९ हजार ८०० मा कारोवार भएको थियो ।

त्यस्तै आज चाँदीको मूल्य स्थिर रहेको छ । महासङ्घले आजको लागि पनि चाँदीको मूल्य प्रतितोला एक हजार ३६५ तोकेको छ ।