आधारभूमि संवाददाता
काठमाडौँ, २५ चैत
बार्सिलोना युरोपा लिग फुटबलको क्वाटरफाइनलको पहिलो लेगमा बराबरीमा रोकिएको छ ।बिहीबार राति भएको खेलमा बार्सिलोनाले फ्रैंकफर्टसँग १–१ गोलको बराबरी खेल्दै अंक बाँढेको हो ।
फ्रैंकफर्टको घरेलु मैदानमा बार्सिलोनाको लागि फेरान टोरेसले एक गोल गरे भने फ्रैंकफर्टको लागि अंगार नौफले एक गोल गरेका थिए।
खेलमा पहिलो अग्रता फ्रैंकफर्टले लिएको थियो । खेलको ४८ औँ मिनेटमा फ्रैंकफर्टका अंगार नौफले गोल गर्दै बार्सिलोनालाई अग्रता दिलाएका थिए।
तर,खेलको ६६ औँ मिनेटमा बार्सिलोनाका फेरान टोरेसले गोल गर्दै खेल बराबरीमा फर्काए र टोलीलाई हारबाट जोगाए ।
खेलको ७८ औं मिनेटमा फ्रैंकफर्ट १० खेलाडीमा समेटिएको थियो। फ्रैंकफर्टका टुटाले रातो कार्ड पाउँदै मैदान छाड्न परेको थियो।
अब दोस्रो लेग अप्रिल १५ मा बार्सिलोनाको मैदानमा हुनेछ ।
