आधारभूमि संवाददाता
काठमाडौं, चैत २४
बायर्न म्युनिखले च्याम्पियन्स लिग फुटबल अन्तर्गत क्वाटरफाइनलको पहिलो लेगमा भिल्ला रियलसँग हार बेहोरेको छ ।बुधबार राति भएको खेलमा भिल्ला रियलले बायर्न म्युनिखलाई १-० गोलले पराजित गरेको हो ।
घरेलु मैदानमा भिल्ला रियललाई जित दिलाउन अर्नौत डेन्जुमाले गरेको गोल नै निर्णायक बन्न पुग्यो । डेन्जुमाले खेलको आठौं मिनेटमा सो गोल गरेका हुन् ।
अब दोस्रो लेग अप्रिल १३ मा बायर्नको मैदानमा हुनेछ ।
