आधारभूमि संवाददाता
काठमाडौं, चैत २२
इटालियन सिरी (ए) फुटबलमा शीर्ष स्थानको एसी मिलान बराबरीमा रोकिएको छ । सोमबार राति घरेलु मैदानमा भएको खेलमा एसी मिलान र बोलोग्नाले गोलरहित बराबरी खेल्दै अंक बाँडेका हुन्।
खेलमा दुबै टोलीले गोल गर्ने प्रयास गरेका थिए तर कोही सफल हुन सकेनन् ।घरेलु मैदानमा बोलोग्नासँग गोलरहित बराबरीमा रोकिएपछि एसी मिलानले सिरी ए को शीर्ष स्थानमा तीन अंकको अग्रता लिने मौका गुमाएको छ ।
बराबरीसँगै एसी मिलानको ३१ खेलबाट ६७ अंक छ र शीर्ष स्थानमा छ ।बोलोग्नाको ३० खेलबाट ३४ अंक छ र १२ औं स्थानमा छ ।
