आधारभूमि संवाददाता
काठमाडौँ, १८ चैत
आज सुनको मूल्य बढेको छ । बिहीबार तोलामा ९८ हजार ९०० मा कारोवार भएको छापावाल सुन आज प्रतितोला ८०० ले बढेर ९९ हजार ७०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला ८०० ले बढेर ९९ हजार २०० मा कारोवार भएको छ । यस अघि बिहीबार तेजावी सुन रु ९८ हजार ४०० मा कारोवार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु दश ले बढेर रु एक हजार ३६० तोकिएको महासङ्घले जनाएको छ ।यस अघि बिहीबार चाँदी रु एक हजार ३५० मा कारोवार भएको थियो ।
