आधारभूमि संवाददाता
काठमाडौँ, १७ चैत
आज सुनको मूल्य बढेको छ । बुधबार तोलामा ९८ हजार ८०० मा कारोवार भएको छापावाल सुन आज प्रतितोला १०० ले बढेर ९८ हजार ९०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला १०० ले बढेर ९८ हजार ४०० मा कारोवार भएको छ । यस अघि बुधबार तेजावी सुन रु ९८ हजार ३०० मा कारोवार भएको थियो ।
त्यस्तै आज चाँदीको मूल्य भने अघिल्लो कारोबार मूल्यका तुलनामा प्रतितोला रु १० ले घटेर रु एक हजार ३५० तोकिएको महासङ्घले जनाएको छ ।यस अघि बुधबार चाँदी रु एक हजार ३६० मा कारोवार भएको थियो ।
