काठमाडौ, १५ चैत
आज सुनको मूल्य घटेको छ । सोमबार तोलामा एक लाख ५०० मा कारोवार भएको छापावाल सुन आज प्रतितोला १३०० ले घटेर ९९ हजार २०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला १३०० ले घटेर ९८ हजार ७०० मा कारोवार भएको छ । यस अघि सोमबार तेजावी सुन रु एक लाखमा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले घटेर रु एक हजार ३७० तोकिएको महासङ्घले जनाएको छ ।यस अघि सोमबार चाँदी रु एक हजार ३८० मा कारोवार भएको थियो ।