आधारभूमि संवाददाता
काठमाडौँ, ७ चैत
म्यानचेस्टर सिटी एफए कप फुटबलको सेमिफाइनलमा प्रवेश गरेको छ ।आइतबार राति भएको खेलमा सिटीले साउथह्याम्पटनलाई उसकै मैदानमा ४-१ गोलले पराजित गर्दै एफए कप फुटबलको सेमिफाइनलमा प्रवेश गरेको हो ।
साउथह्याम्पटनको मैदानमा सिटीलाई जित दिलाउन रहिम स्टर्लिङ,केभिन डे ब्रुइन,फिल फोडेन र रियाद महारेजलेले एक-एक गोल गरे ।
खेलको १२ औँ मिनेटमा रहिम स्टर्लिङले गोल गर्दै टोलीलाई सुरुवाती अग्रता दिलाएका थिए ।
पहिलो हाफको इन्जुरी समयमा एेमरिक लापोर्टेले आत्मघाती गोल गरेपछि खेल १-१ गोलको बराबरीमा फर्कियो।
तर,खेलको ६२ औं मिनेटमा सिटीका केभिन डे ब्रुइनले गोल गर्दै टोलीलाई २-१ ले अघि बढाए।
खेलको ७५ औं मिनेटमा फिल फोडेनले गोल गर्दै टोलीलाई ३-१ ले अघि बढाए।
त्यसपछि खेलको ७८ औं मिनेटमा .रियाद महारेजले गोल गर्दै टोलीलाई ४-१ को जित दिलाए ।
जितसँगै म्यानचेस्टर सिटी एफ ए कप फुटबलको सेमिफाइनलमा पुगेको हो ।
