आधारभूमि संवाददाता

काठमाडौ, फागुन ३०

आज सुनको मूल्य घटेको छ । आइतबार तोलामा एक लाख दुई हजार ८०० मा कारोवार भएको छापावाल सुन आज प्रतितोला ५०० ले घटेर एक लाख दुई हजार ३०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ५०० ले घटेर एक लाख एक हजार ८०० मा कारोवार भएको छ । यस अघि आइतबार तेजावी सुन रु एक लाख दुई हजार ३०० मा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले घटेर रु एक हजार ४१५ तोकिएको महासङ्घले जनाएको छ ।यस अघि आइतबार चाँदी रु एक हजार ४२५ मा कारोवार भएको थियो ।