आधारभूमि संवाददाता
काठमाडौ, फागुन २९
आज सुनको मूल्य बढेको छ । शुक्रबार तोलामा एक लाख दुई हजार ६०० मा कारोवार भएको छापावाल सुन आज प्रतितोला २०० ले बढेर एक लाख दुई हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।
त्यस्तै आज तेजावी सुनको भाउ पनि प्रतितोला २०० ले बढेर एक लाख दुई हजार ३०० मा कारोवार भएको छ । यस अघि शुक्रबार तेजावी सुन रु एक लाख दुई हजार १०० मा कारोवार भएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले बढेर रु एक हजार ४२५ तोकिएको महासङ्घले जनाएको छ ।यस अघि शुक्रबार चाँदी रु एक हजार ४१५ मा कारोवार भएको थियो ।
