आधारभूमि संवाददाता
काठमाडौ २३ फागुन
नेकपा (एकीकृत समाजवादी)का अध्यक्ष माधवकुमार नेपालले अव हुने स्थानीय तहको निर्वाचनमा आफ्नो पार्टीले ठूलो सफलता प्राप्त गर्ने वताउनुभएको छ ।
सोमबार काठमाडौमा आयोजित एक कार्यक्रममा उहाँले सफलताको लागि अन्य पार्टीहरूसँग तालमेल गर्ने बताउनुभएको हो ।
अध्यक्ष नेपालले रामेछाप जिल्लाबाट विभिन्न पार्टी परित्याग गरी एकीकृत समाजवादीमा प्रवेश गर्नेहरुलाई काठमाडौंमा स्वागत गर्दै सो कुरा वताउनुभएको हो ।
उहाँले पार्टीले आगामी चुनावमा केन्द्रीत भएर टोल–टोलमा संगठन विस्तार र परिचालनमा लागेको जनाकारी दिनुभयो । उहाँले चुनावको लागि जो जो सँग तालमेल मिल्नेछ, तालमेल गरेर चुनावमा भाग लिने योजना रहेको वताउँदै सो चुनावका अत्याधिक ठुलो सफलता हात पार्ने दावी गर्नुभयो ।
