आधारभूमि संवाददाता
काठमाडौँ, १५ फागुन

आज सुनको मूल्य घटेको छ । शुक्रबार तोलामा रु ९८ हजारमा कारोवार भएको छापावाल सुन आज प्रतितोला रु एक हजार ४०० ले घटेर ९६ हजार ६०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला रु एक हजार ४०० ले घटेर ९६ हजार १०० मा कारोवार भएको छ । यस अघि शुक्रबार तेजावी सुन रु ९७ हजार ५०० मा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु ४० ले घटेर रु एक हजार २९५ तोकिएको महासङ्घले जनाएको छ । यस अघि शुक्रबार चाँदी रु एक हजार ३३५ मा कारोवार भएको थियो ।