आधारभूमि संवाददाता
काठमाडौँ, ११ फागुन
च्याम्पियन्स लिग फुटबलको अन्तिम १६ को पहिलो लेगमा इंग्लिस क्लब चेल्सीले सहज जित निकालेको छ । मंगलबार
राति घरेलु मैदानमा भएको खेलमा चेल्सीले लिलेलाई २-० गोलले पराजित गरेको हो ।
स्ट्यामफोर्ड ब्रिजमा चेल्सीलाई जित दिलाउन काई हावर्ट्ज र क्रिश्चियन पुलिसिकले एक-एक गोल गरे।
खेलको आठौं मिनेटमा काई हावर्ट्जले गोल गर्दै चेल्सीलाई सुरुवाती अग्रता दिलाएका थिए ।
त्यसपछि खेलको ६३ औँ मिनेटमा क्रिश्चियन पुलिसिकले गोल गर्दै चेल्सीलाई २-० को जित दिलाए ।
अब दोस्रो लेग मार्च १७ मा लिलेको घरेलु मैदानमा हुनेछ ।