आधारभूमि संवाददाता
काठमाडौ, माघ २६
इंग्लिस प्रिमियर लिग फुटबलमा म्यानचेस्टर युनाईटेड बर्नलीसँग बराबरीमा रोकिएको छ । मंगलबार राति बर्नलीको घरेलु मैदानमा भएको खेलमा युनाईटेड र बर्नलीले १-१ गोलको बराबरी खेल्दै अंक बाँडेका हुन् ।
खेलमा युनाईटेडको लागि पाउल पोग्बाले एक गोल गरे भने बर्नलीको रोड्रिगेजले एक गोल गरेका थिए।
खेलमा पहिलो अग्रता युनाईटेडले लिएको थियो । खेलको १८ औं मिनेटमा पाउल पोग्बाले गोल गर्दै युनाईटेडलाई अग्रता दिलाएका थिए।
तर, खेलको ४७ औं मिनेटमा बर्नलीका रोड्रिगेजले गोल गर्दै खेल बराबरीमा फर्काए र टोलीलाई हारबाट जोगाए ।
बराबरीसँगै युनाईटेडको २३ खेलबाट ३९ अंक छ र पाँचौं स्थानमा छ।बर्नलीको २० खेलबाट १४ अंक छ र पुछारमा छ ।
