आधारभूमि संवाददाता
काठमाडौ, २३ माघ
इटालियन सिरी (ए) फुटबलमा एसी मिलानले जित निकालेको छ ।शनिबार राति भएको मिलान डर्बीमा एसी मिलानले इन्टर मिलानलाई २-१ गोलले पराजित गरेको हो ।
एसी मिलानलाई जित दिलाउन ओलिभर जिरौडले दुई गोल गरे।इन्टर मिलानका इवान पेरिसिकले एक गोल गरे।
खेलमा पहिलो अग्रता इन्टर मिलानले लिएको थियो । खेलको ३८ औं मिनेटमा इवान पेरिसिकले गोल गर्दै इन्टर मिलानलाई अग्रता दिलाएका थिए।
तर, दोस्रो हाफको ७५ औं मिनेटमा एसी मिलानका ओलिभर जिरौडले गोल गर्दै खेल बराबरीमा फर्काए । लगतै ७८ औं मिनेटमा जिरौडले व्यक्तिगत दोस्रो गोल गर्दै टोलीलाई २-१ को जित दिलाए ।
इन्जुरी समयको पाँचौं मिनेटमा एसी मिलान १० खेलाडीमा समेटिएको थियो ।एसी मिलानका थियो हर्नान्डेजले रातो कार्ड खाँदै मैदानबाट बाहिरिएका थिए ।
जितसंगै एसी मिलानले २४ खेलबाट ५२ अंक जोडेको छ र दोस्रो स्थानमा छ । पराजित एसी मिलानको २३ खेलबाट ५३ अंक छ र शीर्ष स्थानमा छ।
