आधारभूमि संवाददाता
काठमाडौ, माघ २१
एथ्लेटिक बिल्बाओसँग पराजित हुँदै रियल मड्रिड स्पेनिस कोपा डेल रे फुटबलको क्वाटरफाइनलबाट बाहिरिएको छ ।बिहीबार राति घरेलु मैदानमा भएको खेलमा बिल्बाओले रियल म्याड्रिडलाई १–० गोलले पराजित गरेको हो ।
घरेलु मैदानमा बिल्बाओलाई जित दिलाउन अलेजान्ड्रो बेरेन्गुयर रेमिरोले विजयि गोल गरे।रेमिरोले खेलको ८९ औं मिनेटमा गोल गरेका हुन्।
जितसंगै बिल्बाओ स्पेनिस कोपा डेल रे फुटबलको सेमिफाइनलमा प्रवेश गरेको छ ।
