आधारभूमि संवाददाता

काठमाडौँ, १७ माघ
आज सुनको मूल्य घटेको छ । आइतबार तोलामा ९२ हजार २०० मा कारोवार भएको छापावाल सुन आज प्रतितोला ४०० ले घटेर ९१ हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ४०० ले घटेर ९१ हजार ३०० मा कारोवार भएको छ । यस अघि आइतबार तेजावी सुन रु ९१ हजार ७०० मा कारोवार भएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु १० ले घटेर रु एक हजार २४० तोकिएको महासङ्घले जनाएको छ । यस अघि आइतबार चाँदी रु एक हजार २५० मा कारोवार भएको थियो ।