आधारभूमि संवाददाता
ललितपुर, २ माघ
ललितपुरको महालक्ष्मी नगरपालिका वडा नं. ७ मा राजकूलो र ढल राख्ने काम संग संगै गरेको पाइएको छ । सो स्थानमा खानेपानी तथा ढल निकासको बजेटले गत वर्ष ढल निर्माण गरिएको थियो । तर ढलको कुनै निकास नै छैन । न मुहान छ न अन्त छ ।
यस वर्ष पनि सिंचाईको लागि भन्दै त्यही ठाउँमा राजकुलोमा जोडिएको १६ फिटे बाटो मासेर १० फिटे बनाई कुलो निर्माण गरिएको छ । मनपरि ढंगले बाटो मासेर सिंचाई गर्ने गरेका कारण उपभोक्ताले काम रोक्न माग गर्दा समेत जनप्रतिनिधिले चासो नदेखाएको एक उपभोक्ताले वताए ।
त्यस्तै सिंचाइको कुलोको पनि पनि न शुरु न अन्त छ । यस्ता काममा कर्मचारी र जनप्रतिनिधिको मिलेमतोमा स्थानीय सरकारको बजेट रित्याउने काममात्र भएको छ । तर सम्वन्धित निकायलाई विषयमा अनविज्ञ छ । महालक्ष्मी नगरपालिका वडा नं. ७ का योजना प्रमुख मनिष सुवेदी यसबारे कुनै जानकारी नभएको बताउँछन् ।
महालक्ष्मी नगरपालिका वडा नं. ७ वडा प्रमुख नकुल थापाले ढल निर्माण कहिले खानेपानी र कहिले शहरी विकासको बजेटबाट बनेकोदावी गरे । उनले टेण्डरको काम भएकोले यस विषयमा जनप्रतिनिधिले कुनै रोक तोक गर्न नमिल्ने आधारभूमिलाई बताए ।
