आधारभूमि संवाददाता
काठमाडौं,माघ २
फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित निकालेको छ । शनिबार राति भएको खेलमा पीएसजीले ब्रेस्टलाई २-० गोलले पराजित गरेको हो ।
घरेलु मैदानमा पीएसजीलाई जित दिलाउन केलियन एम्बाप्पे र थिलो केहरले एक एक गोल गरे ।
खेलको ३२ औं मिनेटमा केलियन एम्बाप्पेले गोल गर्दे टोलीलाई अग्रता दिलाएका थिए।
त्यसपछि दोस्रो हाफको ५३ औं मिनेटमा थिलो केहरले गोल गर्दै टोलीलाई २-० को सहज जित दिलाए ।
जितसँगै पीएसजीले २१ खेलबाट ५० अंक जोडेको छ र शीर्ष स्थानमा १३ अंकको अग्रता बनाएको छ ।पराजित ब्रेस्टको २१ खेलबाट २५ अंक छ र १३ औं स्थानमा छ ।
