आधारभूमि संवाददाता
काठमाडौं,पुष २६
इटालियन सिरि ए फुटबलमा एसी मिलानले सहज जित निकालेको छ। आइतबार राति भएको खेलमा मिलानले १० खेलाडीमा समेटिएको भेनेजियालाई ३-० गोल अन्तरले पराजित गरेको हो ।
भेनेजियाको घरेलु मैदानमा मिलानलाई जित दिलाउन थियो हर्नान्डेजले दुई गोल गरे भने जलाटनले एक गोल गरे ।
खेलको दोस्रो मिनेटमा जलाटनले गोल गर्दै मिलानलाई सुरुवाती अग्रता दिलाएका थिए ।
दोस्रो हाफको ४८ औं मिनेटमा हर्नान्डेजले गोल गर्दै मिलानको अग्रता दोब्बर पारे ।
खेलको ५८ औँ मिनेटमा भेनेजिया १० खेलाडीमा समेटिएको थियो ।भेनेजियाको माइकल स्वबोडाले रातो कार्ड खाँदै मैदानबाट बाहिरिएका थिए ।जसको फाइदा मिलानले ५९ औँ मिनेटमा उठाउन सफल भयो।
खेलको ५९ औं मिनेटमा मिलानका हर्नान्डेजले व्यक्तिगत दोस्रो गोल गर्दै टोलीलाई ३-० को जित दिलाए ।
जितसँगै मिलानले २१ खेलबाट ४८ अंक जोडेको छ र तालिकाको दोस्रो स्थानमा छ । पराजित भेनेजियाको २० खेलबाट १७ अंक छ र १७ औँ स्थानमा छ ।
