आधारभूमि संवाददाता
काठमाडौं, पुष २६
इटालियन सिरि ए फुटबलमा इन्टर मिलानले रोमामाथि जित निकालेको छ। घरेलु मैदानमा आइतबार राति भएको खेलमा मिलानले लाजियोलाई २-१ गोल अन्तरले पराजित गरेको हो ।
मिलानलाई जित दिलाउन अलेसेन्ड्रो बास्टोनी र मिलन स्क्रिनियरले एक(एक गोल गरे ।लाजियोका किओ इम्मोइलले एक गोल गरे ।
खेलमा पहिलो अग्रता मिलानले लिएको थियो ।खेलको ३० औं मिनेटमा अलेसेन्ड्रो बास्टोनीले गोल गर्दै मिलानलाई सुरुवाती अग्रता दिलाएका थिए ।
खेलको ३० औं मिनेटमा लाजियोका किओ इम्मोइलले गोल गर्दै खेल १-१ को बराबरीमा फर्काए ।
तर,खेलको ६७ औं मिनेटमा मिलानका मिलन स्क्रिनियरले गोल गर्दै टोलीलाई २-१ को जित दिलाए ।
जितसँगै इन्टर मिलानले २० खेलबाट ४९ अंक जोडेको छ र शीर्ष स्थानमा छ ।पराजित लाजियोको २१ खेलबाट३२ अंक छ र आठौं स्थानमा छ ।
