आधारभूमि संवाददाता
काठमाडौ २० पुस
आज मंगलबार नेपालमा थप ३९३ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार मंगलबार ३९३ जना संक्रमित थपिएका हुन्।
पछिल्लो २४ घण्टामा ९ हजार ३२९ जनाको कोरोना परीक्षण गरिएको थियो । ७ हजार ७९४ जनाको पिसिआर परीक्षण र १ हजार ५३५ जनाको एन्टिजेन परीक्षण गरिएको थियो।
यसैगरी २६३ जना निको भएको मन्त्रालयले जनाएको छ। साथै पछिल्लो २४ घण्टामा कोरोनाको संक्रमणबाट ३ जनाको मृत्यु भएको छ।
अहिले सक्रिय संक्रमितको संख्या ५ हजार ९४ पुगेको छ। काठमाडौं उपत्यकामा २२२ संक्रमित थपिएका छन्।
