आधारभूमि संवाददाता
काठमाडौँ १९ पुस
निलम्बित सांसद रेशम चौधरीले नयाँ राजनीतिक दल ‘नागरिक उन्मुक्ति पार्टी’ दर्ता गरेका छन् । बाजागाजासहित नेताहरू निर्वाचन आयोगमा पुगेर दल दर्ता गरेका हुन् ।
कैलाली टीकापुर घटनामा दोषी ठहर भइ कैद भुक्तान गरिरहेका चौधरीले आफ्ना समर्थक मार्फत दल दर्ता गराएका हुन् ।
कैलाली–१ बाट प्रतिनिधिसभा सदस्यमा निर्वाचित चौधरी टीकापुर घटनामा दोषी ठहर गरेपछि उनी अहिले पनि कैद भुक्तानका लागि कारागारमा छन् ।
उनी जेलमा रहँदा नै वारिसबाट उम्मेदवारी दिएर प्रतिनिधिसभा सदस्यमा निर्वाचित भएका थिए । अहिले पनि जेलमा रहँदा नै उनको पार्टी दर्ता गर्न लागिएको हो ।
केही दिनयता चौधरीको रिहाइको माग राखेर काठमाडौंमा प्रदर्शन भइरहेको छ ।
