आधारभूमि संवाददाता
काठमाडौ, पुस १५
इंग्लिस प्रिमियर लिग फुटबलमा शीर्ष स्थानको म्यानचेस्टर सिटीले जित निकालेको छ । बुधबार राति भएको खेलमा सिटीले ब्रेन्टफोर्डलाई १-० गोलले पराजित गरेको हो ।
ब्रेन्टफोर्डको घरेलु मैदानमा म्यानचेस्टर सिटीलाई जित दिलाउन फिल फोडेनले विजयि गोल गरे।फोडेनले खेलको १६ औं मिनेटमा गोल गरेका हुन्।
जितसँगै म्यानचेस्टर सिटीले २० खेलबाट ५० अंक जोडेको छ र शीर्ष स्थानमा आठ अंकको अग्रता बनाएको छ ।पराजित ब्रेन्टफोर्डको १८ खेलबाट २० अंक छ र १४ औं स्थानमा छ ।
