काठमाडौ, पुुस १३
अमेरिकाको ओहायो राज्यमा बसोबास गर्दे आइरहेका गायक, गीतकार एवम संगीतकार पुष्प गजमेरको सुमधुर स्वरमा सजिएको वियोगान्त गीत सम्बन्धको म्युजिक भिडियो सार्वजनिक भएको छ ।
प्रेम सम्बन्धमा आउने उतार चढावलाई गीतमा व्यक्त गरिएको छ । गायक गजमेरको सन २०१७ मा सार्वजनिक एल्बम आवाजु भित्र संग्रहित गीतको भिडियो बजारमा आएको हो । यस गीतलाई सुमित बिश्वकर्माले संगीत संयोजन गरेका हुन ।
म्युजिक भिडियोमा नायक आकाश श्रेष्ठ र जेबिका कार्की बीचको अनस्क्रिन प्रेमलाई प्रस्तुत गरिएको छ । शंकल भुजेलले छायांकन गरेको भिडियोलाई मनोज कार्कीले सम्पादन गरेका हुन । हिमालयन आट्र्स ल्याङ्ग्वेज एण्ड कल्चरल एकेडमीको प्रस्तुति रहेको यस भिडियोलाई शिशिर खातीको निर्देशनमा तयार पारिएको हो । शान्ती गजमेर निर्मात्री रहेको यस भिडियोलाई हिमालयन म्युजिक एकेडमीको आधिकारिक च्यानल मार्फत सार्वजनिक गरिएको हो ।
